Ողջոյն քեզ,
Իմ սիրելի ազգակից՝ Արցախի քաջ զինուոր, Դուն հայ մանչերու օրինակելի տիպարն ես, քեզմով կը հպարտանանք: Դուն մեր ազգի պատիւն ես, սահմաններու պահապան, մեր ժողովուրդի ներկան ու ապագան: Թո՛ղ Աստուած քու կամքդ զօրաւոր պահէ, որ միշտ կարենաս դիմադրել անգութ թշնամիին ու պաշտպանել պապերուդ հողը եւ չարտօնես որ քայքայուի հայրենիքիդ անկախութիւնը: Փառք ու պատիւ հայ զինուորին, որ կեանքը կը զոհէ իր ազգին սիրոյն: Մարք Կիւլկիւլեան -------------------------------------------- Սիրելի Արցախի զինուորներ, Բարեւ ձեզի, իմ Արցախի քաջ զինուորներ: Մենք հպարտ ենք ձեզմով, հոգիով ու սիրտով մենք միշտ ձեր հետն ենք: Մենք գիտենք, թէ ինչքան կարօտցած էք ձեր ծնողքին, ընկերներուն եւ հարազատներուն: Երանի՜ մեր երկիրը պատերազմ չըլլար եւ զինուորներու կարիքը չըլլար, ուրախ ու խաղաղ ապրէիք ձեր սիրելիներուն հետ: Դուք Արցախի քաջ զինուորներ, ձեր կեանքը կը զոհէք մեզ փրկելու եւ մեր հայրենիքը պաշտպանելու համար: Հպարտութեան արցունքներով կը սպասէք ձեր բոլորիդ յաղթական վերադարձը եւ բոլոր հայկական հողերու վերադարձը: Դուք մեր քաջերն ու պահապաններն էք, յաւերժ փառք ու շնորհակալութիւն Արցախի խիզախ հայ զինուորներուն: Սինթիա Ռուբինեան
0 Comments
Leave a Reply. |
ՄԵՆՔՄեսրոպեան Վարժարանի Աշակերտներ Արխիւ
April 2015
Categories
All
|